QUEER програма на „Прво па женско“ #13 | прва изведба: 01.11.2025 @ Кафе бар „Љубов“ | 30′
Годината е 1931, а берлинското кабаре е главното субверзивно, политички ангажирано и експериментално прибежиште на ноќниот живот. На цензурата, пуританството и растечкиот фашизам им се возвраќа со песна и танц, политичка сатира и незауздана еротичност.
Сто години подоцна, кога фашистичките фантазии повторно шетаат на отворено, десничарската реторика повторно меле за традиционалните вредности, анти-родовите актери нѐ ловат деноноќно, а телата се дициплинирано суспендирани во недостаток на слободен ноќен живот — гламурозно се качуваме на сцената наконтени со бисери и пердуви, зашто и отпорот заслужува да светка под рефлектори. Облечете ги фустаните и фраковите, ставете ја најблескавата шминка, истопорете ги вашите буч торза, кокетирајте со вашата фем хаотичност и бидете дежурни циркузанти и родови пропалици — нека светот биде затекнат од вашиот квирлук.
Продукција: Бучкуруж (Благица Петрова и Душица Лазова) | Изведувач_ки: Благица Петрова (MC Čičo), Лазарус, Падре Долоросо (Sal Balls) и Один – заедно со Душица Лазова заеднички вклучени во развој на сценарио, костимографија, сценографија и музички избор | Тон-мајсторка: Лила Мирчевска | Светло-мајсторка: Александра Арсовска | Шминка: Сара Миленковска; Фотографка: Валентина Миладинова
Поддржано од Тиииит! Инк.
ГАЛЕРИЈА
