БУЧКУРУЖ е културно-уметничка и истражувачка иницијатива што замислува чопор на невклопените, на родово неускладените изроди, на недопадливите отпадници, на совршените губитници, на сите самопрокламирани фем машкуданки, dyke принцези и оние помеѓу.
На македонски, зборот бучкуруш значи
- јадење подготвено набрзина од неспојливи состојки и остатоци,
- каква било мешавина од неприкладни нешта или
- безредие.
Преосвојувајќи го терминот со мал твист, Бучкуруж претставува простор за креативен израз и за ѝсториска и спекулативна археологија на родовата трансгресија со посебен фокус на лезбејската*, транс* и родово-флуидната заедница – без фиксна идентитетска позиционираност, туку со намера да го разбуричкаме тој идентитетски хаос. Тука сме да ги направиме бучкуруш постоечките архиви, да се измислиме и составуваме, да бидеме археолози на колективната меморија, да се одомаќиниме во сопствената културна ѝсторија и заеднички да ги исцртаме потенцијалите на неограничувачките иднини.
Зад Бучкуруж стојат Благица Петрова и Душица Лазова кои низ различни спојувања и сонувања соработуваат со сите кои имаат желба креативно и ангажирано да се изразат. Нашите проекти се движат од дрег изведби и концептуални забави, до истражувачки проекти и (ан)архивски подвизи.
благица
петрова
на домашната квир сцена позната како Чичо, е една од основачките на дуото Бучкуруж. Професионално, повеќе од 10 години се занимава со финансии и финансиска аналитика, а од сосема неодамна го откри перформансот како своја најблиска форма на креативен израз.
Ја сака планината, навлечена е на графички романи и sci-fi авантури, а особено ја интересира и привлекува сè отаде универзумот и времето.
душица
лазова
се бави со истражување, пишување, уредување и преведување. Магистрирала на програмата Род и медиуми на Универзитетот Сасекс во Брајтон, Англија. Покрај Бучкуруж, таа е соуредничка на феминистичката платформа Медуза, дел од колективот на регионалната книжевна награда „Штефица Цвек“ и кураторка на QUEER програмата на Фестивалот за феминистичка култура „Прво па женско“ од 2025 година. Сака arthouse филмови, фанзини и да чепка по архиви.
соработници:
МЕДУЗА, ТИИИИТ! Инк., трансформа, Коалиција
МАРГИНИ, Skopje Pride
Weekend, Култура Бета,
Лабораториум
Досегашни СПОНЗОРИ:
Digital Democracy
Initiative, Heartefact