Лезбејско-феминистичката активистичка група – „ЛезФем“ била оформена во рамките на ЛГБТИ центарот за подршка во Скопје во 2013 година, во чиј фокус се женските, а особено лезбејските права. Групата настанала со цел да се утврдат проблемите со кои се соочуваат лезбејките и жените во РСМ, и преку размена на идеи и конструктивни акции да се пристапи кон нивно решавање. Во моментов групата не е активна.

„ЛезФем е создадена низ дружења и долги разговори на неколку девојки кои се препознаваат себеси како лезбејки, политички лезбејки и феминистки. Наша цел е зголемување на видливоста и политичката релевантност на лезбејскиот и феминистичкиот активизам и промовирање на свежи стратегии на отпор кон доминантните идеолошки концепти на патријархатот, шовинизмот, хетеронормативноста, национализмот и клерикализмот. Се стремиме кон креирање на автентичен политички глас трагајќи по различните женски искуства во минатото додека го градиме нивното значење и континуитет денес, како и кон политичка артикулација на секојдневните искуства и социјални релации меѓу жените, не само емотивни, туку и економски, пријателски, професионални и семејни.

Токму во овие женски реалности, а не замислени животни стилови, ЛезФем гледа извор на знаења, вредности, енергија и моќ

извор: Фејсбук страната на ЛезФем